قالت: أبيك !!! وقلت أنا اللي على ناااار

قالت: أبيك !!! وقلت أنا اللي على ناااار
........... لكنّي أخفي ما اندفع من حنيني





قالت : تبيني ؟؟ قلت : مولَع ومحتار
............ (واخاف لو صرّحت لك تحرجيني ) !!!


قالت : من أوّل ؟؟ قلت تصريف الأقدار ....
............ من يوم عينك شاغلت شوف عيني


قالت : هويت ؟؟؟ و قلت : هاويك يا جااار
............ وأهوى جروحي فيك لو تجرحيني


قالت : أنا ؟؟؟ قلت: انتي العمر لو جار !!
.............. وانتي الغرام اللي يطفّي حنيني


قالت : هو الحظ ؟؟؟ قلت : دانة وبحّار !!!
.............. إمّا ملكتك ... أو معك تغرقيني


قالت : تصدّق ؟؟ قلت: من غير ما اختار ...
............... أصدّقك من غير ما تقنعيني ....


قالت: أبوح ؟؟؟؟؟ وقلت : يلهمني أشعار
................ بوحك يعيّشني غوالي سنيني


قالت : أكيد ؟؟؟ وقلت : لابد .... باصرار !!!!
............ خلّيني أعرف : وين قلبك ؟؟ وويني ...


قالت : بعمري .. قلت : تفداك الأعمار ....
............قالت : بقلبي !!! قلت : كلّي املكيني


قالت : تعاهد ؟؟ قلت أنا العاشق البار ...
............. دامي ضنينك ... فانت والله ضنيني


قالت: أجيك ؟؟؟ وقلت : يانور من زار ...
................ مع جيّتك كل السعادة تجيني


قالت : يدينك ... قلت : خوذيني إسوار !!!
.................... وحطّت يديها رعشةٍ في يديني


وتنهّدت ... وعيونها تنطق أسرار !!!!
............... قريتها ما بين روحي وبيني ....


حضنتها ....... لميتها ... ما ادري وش صار !!!
............ ما ادري عن اللي صار فيها وفيني !!!


قلت : الحكي خليه يا شمعة الدار .....
................. أنا أفهمك قبل الحكي صدقيني

اللللههههههههههههههههههههههههههه
علي الكلام الجميل ولاحساس الناعم
والبراق اية الرقة دية اية الحلاوة ديه
شاعرة وللهي اموت في كلاميك
يا عسل

نايس واللة ياطيف كلماتك رائعه وفيها لذعة حزن مخفية غير مرئية
بس حسيتها لاني انسان عاشرت الحزن واعرف طقوسة والامة الكريهه
كلماتك مفعمة بالصدق والاحساس المرهف استمري............
لديك مستقبل باهر في عالم الألم وكيفية تصويرة,,,,,,,,,,,,
ثااااااااااااااااااااااااااااااااااااااااااااااااااانكس